ကိုယ်တိုင်ရေး / ကိုယ်ပိုင် ကဗျာ လေးများသာ
စုစည်း ဖော်ပြမည် ဟူသော ရည်ရွယ်ချက်ဖြင့် တတ်သိထားသော ပညာရပ်လေး
အနည်းငယ်ဖြင့် စမ်းတဝါးဝါး တည်ထောင်ထားသော ဘလော့ဂ်လေးတစ်ခု ဖြစ်ပါတယ်....
ကဗျာချစ်သူများ လေ့လာနိူင်ရန် ရည်ရွယ်ချက်လေး ဖြင့် Google တွင် ရှာဖွေ ရသမျှလေးတွေကို
ပြန်လည်ဝေမျှခြင်း သက်သက် သာ ဖြစ်ပါတယ် ....
Website ပေါင်းများစွာမှ ရှာဖွေ၍ ကူးယူဖော်ပြခြင်းဖြစ်ပေရာ Credit မပေးခဲ့ရပါ ..
ထို့ ကြောင့် ဤနေရာမှပင် လေးမြတ်စွာ တောင်းပန်အပ်ပါသည်....
Ñeöñ Pɵemçhítthü ဒိုက်ဦး
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
╚╚"ပြန်လည်ဝေမျှ ကဗျာအလှ"╝╝( ၁ )
►♦◄ ကြည်အေး ►♦◄ ╚╚ ကဗျာများ ╝╝
(၁) ◄►ကြွေပွင့်ကိုသာ ကောက်ပါမောင်◄► //// ►◄ကြွေပွင့်►◄
ကိုင်းထိပ်ဖူးမှာ
ပွင့်ဦးအသစ် ယခုလှစ်သည့်
ရွှေရစ်ပန်းပြာ ခပ်မာမာလေး။
လှမ်းမီပေမယ့်
မောနေပါ့မယ် ခူးမလွယ်ဘူး၊
မြေ၀ယ်လျှောင်းစင်း မောင့်ခြေရင်းက
သက်ဆင်းကြွေလွင့် ခရေပွင့်လေ။
အလွယ်လိုက်ပြီး
အကြိုက်ဆင်သင့် လှမ်းကြိုနှင့်သည့်
ကြွေပွင့်ကိုသာ ကောက်ပါမောင်ရယ်…
◄ ကြည်အေး ►ရှုမ၀မဂ္ဂဇင်း၊ ဇန်န၀ါရီ၊ ၁၉၅၃“နွမ်းလျအိမ်အပြန်ဝတ္ထု”မှ ►
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
( ၂ ) ◄►တစ္ဆေ◄►
အိပ်လို့မရ
ညကြီးမင်းကြီး ၊ ထပြီးထိုင်နေ
မွေ့ရာတွေလဲ ၊ ကြေမွတွန့်လိပ်
သိပ်စိတ်ညစ်တယ် ၊ သတိပြယ်လွင့်
ခိုတွယ်စရာ ၊ အတည်မကျ။
အပြင်ဘက်မှာ
သစ်ရွက်တွေကြား ၊ ကြယ်လေးငါးပွင့်
စကားပင်အို ၊ ကန်ရေစိုစွတ်
ဟိုမှာလှုပ်လှုပ် ၊ ငုတ်တုတ်လက်ကမ်း
စမ်းလျှောက်သွားနေ ၊ မြက်ချုံတွေထဲ
တစ္ဆေ ငါကိုယ်တိုင်ပါပဲ။
ခုတင်ခြေရင်း
ဖြည်းနင်းရှပ်ရှပ် ၊ မတ်တပ်ထလိုက်
ခန်းဝကိုလာ ၊ ၀ရန်တာမှာ
သည်မှာတစ်ယောက် ၊ တစ္ဆေခြောက်လှန့်
ကြောက်ကြောက်နှင့်ကြည့် ၊ မျက်နှာလှည့်စမ်း
တည့်တည့်လှမ်းမြင် ၊ အော်ငိုချင်မိ
တဆင်တည်းပဲ သူနှင့်ငါ။
မြစ်နက်ထဲမှာ
ငါ ရေနစ်မြှုပ် ၊ ချမ်းပြီးကုပ်နေ
ကုက္ကိုကိုင်းကြား ၊ ငါနေနားလိုက်
ဘုရားရှေ့မှောက် ၊ ဒူးထောက်ရောက်ပြန်။
မောပန်းလျနှင့်
တစ်ယောက်သောငါ ၊ ငါများစွာမှ
ထလာလွင့်ပါး ၊ မောင့်အနားကို
စကားထွေရာ ၊ ငိုသံပါနှင့်
ဘာမှမကြား ၊ မောင့်အနားမှာ
ထသွားစို့ဆို ၊ မေ့ကိုအိပ်မက်
မမက်ဘူးလား ‘ ၊ တစ္ဆေဖြားယောင်း
မှုန်မွှားစိတ်ဝယ် ၊ အရိပ်ထင်။ ။
◄ ကြည်အေး ► (တာရာမဂ္ဂဇင်း ၊ အတွဲ ၃ ၊ အမှတ် ၂၀ ၊ ၁၉၄၇)
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
( ၃ ) ◄►လူမသိသော ကဗျာ◄►
ကဗျာမဖွဲ့တာဖြင့်
ကြာခဲ့ပြီကောရယ်လို့
ပိတောက်ရွှေ ဝေတဲ့တောဆီက
တငင်ငင် ဥရွှေသြစဉ်မှ
တဆိတ်ဆို စိတ်ကို မောအောင်ရှင့်
ပြောလာတဲ့ တစ်ယောက်သောသူ။
သြော်မောင်မသိလေဘု
ယောင်တိယောင်တောင်နဲ့
ညဥ့်မှောင်မှောင် လရောင်မ၀င်းသော်လည်း
ငွေစံပယ် ရွှေကြယ်လင်းရှာငဲ့
သီချင်းတကြော်ကြော်နဲ့
သြော် အော်မဆုံးခဲ့ပါဘု
ပျော်တုန်းကို ဆူ။
သည်တစ်ပုဒ်ကိုတော့
ဆုတ်ပစ်မယ် ဘယ်နှမြောပါဘု
ပေါလှတယ် ဟိုတစ်ပုဒ်
မကြိုက်ပေါင် ချေလို့လုံးတယ်တော့်
ချစ်စရာ ကာရန်သုံးကာဖြင့်
အလင်္ကာ ပီပြင်ဆုံးကိုမှ
နှလုံး၌ ကပ်လို့မြှူ
ပူပင်အုံ့တနွေး။
တစ်နွေကူးမယ်လို့
နှစ်ဦးအသာလှယ်တော့ကို
စိန်ပန်းနီနီခြယ်သမို့
စိတ်ငယ်သူ အပူကြွချိန်မှ
ဆိုခဲ့တယ် သူက
ဘ၀တိုတို လျှောက်ချင်သတဲ့
ဘယ်မြေပုံ မှုန်ဆီရောက်ရှာလို့
နှင်းဆီပင် တစ်ပင်ပေါက်ပြီလား
ပျို့ကဗျာ အိပ်ရာအောက်ကယ်က
ပျောက်ခဲ့ပြီလေး။ ။
◄ ကြည်အေး ► ရှုမ၀မဂ္ဂဇင်း၊ ဇူလိုင်၊ ၁၉၅၂
ကြည်အေး၏ ကဗျာပေါင်းချုပ်စာအုပ်မှ
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
( ၄ ) ►◄မြစ်လယ်မှာ ချစ်လှယ်တုန်းက►◄
မြစ်ရေပြင် လှေလူးလို့
ချစ်ဦးမယ်နဲ့မောင်
ပန်းခူးရအောင်။
လမင်းကလှောင် ကြယ်ပြောင်ကပြုံး
ညဥ့်ဦးကဗျာတည်တဲ့
ငှက်ပလီ ချုံနွယ်ရိပ်မှာ
တိတ်တိတ်ကွယ်ပုန်း။ ။
လေအေးက ခုန်ပျံ
ကြင်ဦးရင်မှာမှီလို့
ဆိုတေးစီ မြစ်တရိုးမှာ
စိုးတဲ့အသံ။
လှပသည့်ကာရန်၊ ပန်းမန်မှာနား
လ၀န်းတိမ်မှာကွယ်တော့
မြစ်လယ်မှုန်ဝါး။ ။
လ၀န်းတိမ်မှာကွယ်
မြစ်ယံလယ် မှုန်တ၀ါးမှာ
ရှက်အားကကြွယ်
ထက်ရေးဆန်းကြယ် ကမ်းစွယ်ရိပ်အကွေ့
ကြက်သီးတလှိုင်လှိုင်ပ
မယ့်သက်ပိုင် ချိုနှလုံးရယ်
ပြုံးတထေ့ထေ့။ ။
ကမ်းဆီကို ၀ိုက်ကွေ့လို့
တရွေ့ရွေ့ စိုက်စိုက်လာ
ယက်ပန်းက ဖွာ။
ရွာဦးမှာ စေတီမြတ်မြင့်မား
ဗျာဒိတ်တလွင်လွင်မို့
လက်ရှည်တင် ပျော်ပုံသစ်ရအောင်
ချစ်သက်သေထား။ ။
◄ ကြည်အေး ►တာရာမဂ္ဂဇင်း၊ အတွဲ -၁ အမှတ် - ၅၊ ၁၉၄၇
ကြည်အေး၏ ကဗျာပေါင်းချုပ်စာအုပ်မှ
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
( ၅ ) ◄►မျက်လုံးတာရာ◄►
မည်းကော့မျက်တောင်၊ ညအမှောင်ဝယ်
မြရောင်အဟပ်၊ ရောင်စုံစပ်၍
ဖျပ်ဖျပ်ပြိုးပြက်၊ တခဲနက်မျှ
ဝင်းလက်မည်လို၊ ထိန်မည်လိုနှင့်
ဆိုငိုမတန့်၊ ဆန့်တငံ့လျှင်
မဆန့်အာသာ၊ မပြေလာအောင်
တာရာမလင်း၊ ထိန်မ၀င်းခဲ့
ရုတ်ခြည်းဖိတ်ဖိတ်၊ ရုတ်ခြည်းမှိတ်သို့
ချစ်စိတ်လွှမ်းဖုံး၊ ကြော့မျက်လုံးလျှင်
နှလုံးစာနာ၊ တည်မေတ္တာနှင့်
ချစ်မှာလိုလို၊ သစ္စာဆိုလို့
ရွှင်ချိုဝင်းပ၊ ပြုံးရာကလျှင်
မုန်းလှသည့်ပုံ၊ ညှိုးပြန်တုံ၏
မှုန်ကာသာကာ၊ မှုန်သာကာတည့်
တာရာမျက်လုံး၊ မြတနှုန်းသည်
အပြုံးတစ်ချက်၊ မုန်းတစ်ချက်
မလက်ပြန်ချည်၊ လက်ပြန်ချည်။ ။
◄ ကြည်အေး ►တာရာမဂ္ဂဇင်း၊ အတွဲ -၁ အမှတ် ၆ သြဂုတ်၊ ၁၉၄၇
ကြည်အေး၏ ကဗျာပေါင်းချုပ်စာအုပ်မှ
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
( ၆ ) ◄မိခင်မျက်နှာ►
လွရရွတည့်
ဖြူဆွငွေ့မြှင်၊ ကြွေဆံပင်လည်း
ပြေစင်အလှ၊ ခြယ်မသ၍
သွယ်လျပျော့ပျော့၊ ရောင်ဖျော့ဖျော့နှင့်
မကြော့မလွှား၊ လျော့သာပါးသည်
တရားရဟန်း ညှိုးနွမ်း၏ ။
လွန့်ရရွန့်တည့်
တိမ်ညွန့်တိမ်လှိုင်း၊ ပတ်ကွေ့ဝိုင်း၍
ပြာမှိုင်းမိုးဗွေ၊ ကြောင်းရစ်ခွေသို့
အရေလျလျ၊ အစင်းထ၏
လျောကျချိုင့်ဝင်၊ ရိုးသားတင်သည်
ပါးပြင်မပြည့် တွန့်လိပ်၏ ။
ပြုံးမျက်နှာလျှင်
ဇရာနှိပ်စက်၊ မည်သို့ဖျက်လည်း
မျက်လုံးအလည်၊ “အပြုံး” တည်၏
ချိုကြည်နှုတ်ခမ်း၊ “အပြုံး” သန်း၏
ငြိမ်းချမ်းမေတ္တာ၊ မယှဉ်သာတည့်
မျက်နှာလပြည့်၊ ထွန်းစည့်စည့်လျှင်
မိခင့်မျက်နှာ၊ မြနှယ်သာသည်
ရှုကာမ၀နိုင်တကား။ ။
◄ ကြည်အေး ►တာရာမဂ္ဂဇင်း၊ အတွဲ -၁ အမှတ် ၇ အောက်တိုဘာလ၊ ၁၉၄၇
ကြည်အေး၏ ကဗျာပေါင်းချုပ်စာအုပ်မှ
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
( ၇ ) ►◄ဆောင်းပေါက်တော့မည်►◄
ယခု စိုးသည်
မိုးသက်ကုန်မြောက်
ဆောင်းလပေါက်က။
လယ်ခင်းရှင်သည်
တံစဉ်ထက်ထက်၊ ချွေးစက်စက်နှင့်
လယ်ထွက်ကောက်ပင် ရိတ်တော့မည်။
ဆောင်တော်ကူးလည်း
ပွင့်ဖူးဆုပ်ခဲ၊ ကိုင်းကိုဆွဲ၍
တွဲလွဲရိုးရီ စီးတော့မည်။
မြိုင်တစဉ်မှာ
သစ်ပင်ကျေးငှက်၊ အားသစ်တက်၍
နှင်းစက်ငွေရည် သောက်တော့မည်။
မြောက်ပြန်လေလျှင်
ဟေမန်ရတု၊ ကဗျာစုကို
အနုအယဉ်၊ တန်ဆာဆင်၍
ရွှင်ရွှင်ကျူးတော့မည်တကား။ ။
◄ ကြည်အေး ►တာရာမဂ္ဂဇင်း၊ အတွဲ -၁ အမှတ် ၈
ကြည်အေး၏ ကဗျာပေါင်းချုပ်စာအုပ်မှ
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
( ၈ ) ►◄ခရီးဝေယံ►◄
လဆီကို လေယာဉ်စီးလို့
ခရီးထွက်ရအောင်
လိုက်လှည့်ပါမောင်၊
ဝဋာတောင်ပြာရောင်ဆီ . . . မှန်း။
တေးချိုချို နှစ်ကိုယ်လွင့်မယ်
လေနှင့်လိုက်ယွန်း။
နှင်းငွေ့မှုန်ပြန့်ကျဲလို့
ပုလဲအပေါ်တွင်
အထဲပြာမင်
ဆုံးမမြင် ကောင်းကင်မြက်ခင်း
ဖိတ်ရွှန်း နဂါးငွေ့
လမ်းကွေ့ကိုဆင်း။
အဖြူမှာ ငွေဇာသတ်တဲ့
တိမ်အထပ် ဝေပြာပြာ
ရောက်တော့တဲ့ခါ
တန့်ရပ်တေးလွှာ ပျာကရာရုန်း
တိမ်ရိပ်ခိုရင် လွတ်မယ်
တွတ်တွတ် တူပုန်း။
မပုန်းနိုင် အမိဖမ်းတော့
လချမ်းသူ ငါအရင်
ပြေးခဲ့ပြန်လျှင်။
လငွေမျှင်၊ ဒန်းဆင်ကာလွှဲ
လကွေး ငွေရည်စို့မှာ
ထိုင်လို့တူတွဲ။
ရွက်စုံရောင်စုံကြွတဲ့
ပြုံးပပ မြ၀တ်ကြည်။
ပန်းရုံအလယ်၊
ကြယ်ပွင့်တွေစည်၊ ကြယ်ရည်တွေလူးလို့
ကြယ်အငုံ ကြယ်အဖူးနဲ့
ကြယ်ပွင့်တွေ ခူးစို့။ ။
◄ ကြည်အေး ►တာရာမဂ္ဂဇင်း၊ အတွဲ -၁ အမှတ် ၉
ကြည်အေး၏ ကဗျာပေါင်းချုပ်စာအုပ်မှ
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
( ၉ ) ►◄ဖြေရခက်တယ်►◄
“နှုတ်ပဉ္ဖင် ခင်မလှစ်ချင်လဲ့
ချစ်ရင်ဖြင့် ပြုံးလှည့်ပါ” တဲ့။
တစ်နေ့ နှစ်ကိုယ်ကြုံတော့၊
မေ မယုံ မပုံသေးသူက
ဖြေသာရုံ တဖုံမေးပြီမို့၊
အတွေးချာချာလည်လို့
စိတ်မတည်ကြည် မချမ်းနဲ့
နွမ်းမိခွေလာ။
ရင်မလင်းပေမယ့်
အသွင်တင်းပါလို့
ဟင့်အင်းကွယ် ငြင်းမယ်ပြုပြန်တော့
သူ့မျက်နှာ မှိုင်တငေးကိုမှ
အတွေးနဲ့ မြင်ရာမှာ
တွေလာမိ စိတ်ထား။
ပျော်လည်းမရွှင်
အချစ် သည်ဟာထင်ရဲ့
သွင်စံပယ် စင်ကြယ်ချစ်လိုနဲ့
ဆင်းပလီ နှင်းဆီချစ်လေလား
သည်မေတ္တာ မည်မမှည့်နိုင်ဘု
တွေးလှည့်ပါ ပူမဆုံးပြီမို့
ဆွေးပြည့်သူ ဝေတနှုန်းရယ်နဲ့
ပြုံးရမှာလား၊ ဖုံးရမှာလား။ ။
◄ ကြည်အေး ►တာရာမဂ္ဂဇင်း၊ အတွဲ ၂ အမှတ် ၁၊ ၁၉၄၇
ကြည်အေး၏ ကဗျာပေါင်းချုပ်စာအုပ်မှ
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
( ၁၀ ) ◄►ရွှေလှိုင်း◄►
ငွေရည်စိုစို၊ လရောင်ယိုကို
သောက်ချိုပြုံးပြ၊ နှလုံးမြ၍
နုံးလျညွတ်နှုး၊ ညဥ့်အဦးမှာ
မေ့မူးလုလု၊ စိတ်ကူးနုနှင့်
ချစ်သူစံရာ၊ စောင့်မြဲခါဝယ်
ရောက်လာတစ်ကိုယ်ချင်းတကား။
အို လှပါဘိ၊ လူးလွန့်အိ၍
ငွေ၏ နုရည်၊ သွန်းလှည့်လည်မှာ
ရွှေခြည်ရွှင်ရွှင်၊ ရွှေမျှင်ကွေးကွေး
ရွှေရေးတွန့်တွန့်၊ တွန့်ရရွန့်လျှင်
လှိုင်းညွန့်လဲ့မှုန်၊ လေအကြုံဝယ်
သိုင်းခြုံငါ့အား ပွေ့ကြို၏ ။
ရွှေလှိုင်းကော့ပျံ၊ ငွေရောင်ခံလျှင်
လျှံလျှံလက်ရွှန်း၊ လှရက်လွန်းသည့်
ငွေမွှန်းသည့်ရွှေ၊ ရွှေမွှန်းငွေလို
နှစ်ထွေရောစု၊ လှချင်းလုသော်
ရှုမိလေလေ၊ စိုက်ငေးတွေသည်
အို ရွှေလှိုင်းလော၊ ငွေလှိုင်းလော။
အပြုံးဆွတ်ဆွတ်၊ နှလုံးလွတ်နှင့်
ကွေ့ပတ်ရစ်လည်၊ လှိုင်စည်စည်ကို
တမ်းမည်စိတ်တွင်၊ နမ်းလိုချင်၍
ငါလျှင် တုန်လှုပ်၊ မချုပ်တီးနိုင်
ယိမ်းယိုင်တပ်မက်၊ မှားရှူသက်နှင့်
ကမ်းလိုက်တူရူ၊ လှမ်းလိုက်ယူတည့်။
နုသည့်အတွေ့၊ လှိုင်းအကွေ့ပေါ်
ချမ်းမြေ့ကြည်သာ၊ လှမျက်နှာလျှင်
အာကာအလျှံ၊ နောက်ကားခံ၍
လွတ်ခံငွေသော်၊ ရုတ်ခြည်းပေါ်သို့
မေ့ပျော်မိအောင်၊ ပြုံးအလှောင်နှင့်
ဟန်ဆောင်အကြည့်၊ လွန့်၍လှည့်စဉ်
လေ၏အပင့်၊ လှိုင်းလည်းလွင့်၏
ပန်းခက်စိပ်စိပ်၊ ရွှေလှိုင်းလိပ်လျှင်
ငွေရိပ်အခို၊ ရွှေမည်လိုနှင့်
အညိုသို့လု၊ တစ်ဝက်နု၍
တစ်စုအရင့်၊ ဖွာရာလွင့်သည်
ကြဲပွင့်ပျောင်းရှည်၊ လေတွင်စည်တွင်
ဝေ့လည်ချစ်သူ ဆံနွယ်တကား။
ရမ္မက်ပြင်းပူ၊ စိတ်ဆုံးဆူ၍
ပြုံးမူမပျက်၊ ငါ့ချစ်သက်ကို
ပိုက်ဖက်ယူမိ၊ မခံချိနှင့်
စိတ်၏ စေရာ၊ လိုက်အပါဝင်
ကမ္ဘာကိုမေ့၊ နှစ်ကိုယ်တွေ့မှ
မွေ့မွေ့ကြည်လျှမ်း၊ ရှိုက်ရှိုက်နမ်းသည်
လှမ်းသူကိုလည်း၊ လှိုင်းကိုလည်း။ ။
◄ ကြည်အေး ►တာရာမဂ္ဂဇင်း၊ အတွဲ ၂ အမှတ် ၈
ကြည်အေး၏ ကဗျာပေါင်းချုပ်စာအုပ်မှ
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
( ၁၁ ) ►◄ဧရာမှာ ဗေဒါပွင့်►◄
ဧရာမှာ ဗေဒါပွင့်
ရွက်လွှင့်လို့ ဆိုင်ဆိုင်။
ခပ်တက် ပြိုင်ပြိုင်
နီလာခိုင် ကြည်ပြာမြိုင်ပေရဲ့။
ဗေဒါ ဧရာကြောမှာ
မျှောလို့ ပျော်ငဲ့။
လေအကြုံ ရေစုန်ပြေးလို့
လှေကလေး ဗေဒါ။
ကမ်းကွေ့လို့လာ၊
ခဏတာ မြနာဝါ သူရပ်။
ရေလယ် စေတီရိပ်ကို
ဦးထိပ် ရိုကပ်။
မုန်တိုင်းထန်တဲ့လျှင်
လှေ ဗေဒါ လှိမ့်လူး။
မြစ်ဦးဗွေတွင်
မိုးသက်ကယ်ဆင် လမ်းစဉ်ပိတ်ဖုံး။
ကိုယ်ထီး ဖော်မပါဘဲ
ထိတ်ပျာလို့ နုံး။
ဝဲကတော့ လည်တဲ့လျှင်
လှေ ဗေဒါ လှိမ့်လူး။
မြစ်ဦးဗွေတွင်
ရက်ပန်းငယ်ဆင်၊ အားအင်နှင့်ခွေရစ်
ရေမှာ ဗေဒါမြုပ်အောင်
စုပ်တဲ့လိုနစ်။
မုန်တိုင်းတဲ့ တွေ့ကြုံ
မြစ်ဗွေ ရစ်ခွေလှဲ့
ဝဲနှင့်လည်းဆုံ
လှိုင်းဖုံဖုံ ၀ိုင်းအုံတားဆီး။
ရေသာ လေသာ ရပြန်ငဲ့
လှေနာဝါ ဗေဒါမြငယ်
ဘ၀ခရီး။ ။
◄ ကြည်အေး ►တာရာမဂ္ဂဇင်း၊ အတွဲ ၂၊ အမှတ် ၂
ကြည်အေး၏ ကဗျာပေါင်းချုပ်မှ
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
( ၁၂ ) ◄အငြင်း►
“ဝေဟင်မှာ ရွှေမင်ပြောက်
ကြယ်အတောက် ကြယ်အပြောင်
ရေတွက်ရအောင်။
ကြယ်ပွင့်ကုန်အောင်
မယ်မောင်ချစ်တမ်း” လို့ဆိုတော့
သူ့နှင်းဆီပွင့်နှုတ်ခမ်းမှာ
အပြုံးယောင်ယောင်သမ်းလို့
ခေါင်းတွင်တွင်ယမ်း။ ။
“ပင်လယ်မှာ မေ့တမော
လှေမျောနဲ့ ရေမှာပါ။
ချစ်စို့နော် ပျော်စို့လား
နှစ်ပါးကြင်နာ။
ခရီးဆုံးတိုင်သာ
ဟိုမှာဘက်ကမ်း”လို့ဆိုတော့
သူ့နှင်းဆီပွင့်နှုတ်ခမ်းမှာ
အပြုံးလိုလိုသမ်းလို့
ခေါင်းတွင်တွင်ယမ်း။ ။
ချစ်ကဗျာ ကုန်စင်ထပ်လို့
တန့်ရပ် မှိုင်တွေဝေ။
“ချစ်လှည့်ပါ” သည်တစ်လုံးကို
သူ့ပြုံးလွှာ စိတ်မှာတမ်းလို့
ယမ်းယောင်မိပေ။
သူ့စိတ်မှာထွေ၊ အဖြေနှင့်သက်ပြင်း
ထပ်ခါခါ ဘာသာငြင်းတယ်
“ဟင်းအင်း ဟင်းအင်း”တဲ့။ ။
ရင်တွင်းမှာ လှိုင်းလိပ်လို့
တရိပ်ရိပ် ဝေဒနာ
စိုက်ငေး တွေဝေရှုမိ
ချစ်သူ့မျက်နှာ။
သူလဲ ထွေလာ
မူရာလျနွမ်း။
အားအယူ မှားရှူသက်နဲ့
သူ မျက်ရည်လျမ်း။ ။
“မေ့လိုက်တော့ သက်ဝေရယ်” တဲ့
သူတစ်ဖန် ဆိုပြန်ရက်တယ်
စိတ်စက်အပြေ။
“ချစ်ကြိုးကိုဖြေ
မေ့နေမယ်ထင်လား” လို့ မေးတော့
ချုပ်တည်း သူမနိုင်နဲ့
ယိမ်းယိုင် လိုက်အလျောမှာ
မောလှုသနား။ ။
ချစ်သူကို ပိုက်ထွေးလို့
စိတ်အေး ဘ၀င်ဝယ်။
“တွက်မနိုင် ရေမဆုံးတဲ့
ကြယ်ပြုံးကြယ်ပြောင်တို့
ရေရအောင် လှေအလူး
ကူးစို့ပင်လယ်” လို့ဆိုပြန်တော့
ရှက်အားကြွယ်ကြွယ်
ငိုတရယ် ချက်ချင်း။
ကြားပြန်ပါ မူရာငြင်း
“ဟင့်အင်း ဟင့်အင်း”တဲ့။ ။
◄ ကြည်အေး ►တာရာမဂ္ဂဇင်း၊ အတွဲ ၂၊ အမှတ် ၃၊ ၁၉၄၇
ကြည်အေး၏ ကဗျာပေါင်းချုပ်မှ
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
( ၁၃ ) ►◄မိုးတိမ်ကိုမှာ►◄
တစ်ကိုယ်ငေးမိရဲ့
အတွေးဟိုသည်ခုန်လို့
နွေအကုန် ကဆုန်ကူးရင်ဖြင့်
ရူး မိမိ ဘ၀င်မှာ။
အို နီလာလို ကြည်ပြာခိုးမှာ
တိမ်ခိုးတွေညှို့
စိမ့်သည်းလှိုက်ဖို အလိုလို
စာဆို မျက်ရည်စို့မိပေါ့
တစ်မြို့နေ တစ်မြေဖွားပေမို့
ပြစ်မယူ ချစ်သူသွားပေအုံ့
သနားကြင်နာပိုနဲ့
စကားထင်ရာဆိုမိတော့
သည်မယ့်လို တငိုတမ်းရယ်နဲ့
သူလဲလေ ပူဝေနွမ်းပေလိမ့်မယ်
မောင့်ဌာနီ မြောက်ဆီလွမ်းကာပ
လှမ်းမျှော်မိပါ။
ကြာကြာလေ အနေဝေးသော်လည်း
အတွေးချင်းဖြင့် နှစ်ကိုယ်ဆုံ
ချိုမြအပြုံး ကြင်မဆုံးသူမို့
စိတ်လုံး မယ်သာပုံခဲ့
ယုံသူကို ဆုံတူတွေ့ချင်လို့
တိမ်ပွေပွေ လေအဝှေ့မှာ
မြောက်မြေဆီ အောက်ခြေရွှေ့ပြန်တော့
“သည်မေ့ သခင်ကိုဖြင့်
တမြင်မြင် မြင်ယောင်မှန်းနေလို့
ခင်းသာရင် ရွာစဉ်တန်းကိုဖြင့်
ကြားလိုက်ပါ့ တိမ်ပြာရယ်” လို့
အမှာလက်ဆောင်ပါး။
မယ့်ကိုယ်စား သွားရှာတဲ့တိမ်ညို
မြောက်ဆီကို ပြိုပေါ့
စိုစိုရွှဲရွှဲ မိုးပေါက်တွေကြဲလိမ့်
တသဲသဲလေ ညိုမယ်ပေါ့ဝေဟင်လုံး
မိုးဟန်ပြင်ဆုံးနိုင်ဘု
ပြုံးမိနေစဉ်
အိပ်မက် တယဉ်ယဉ်ပေါ့
သည်ဗွေမှာ ထွေရာတွေးပါမိ
မေးရှာလည်း သူလည်းလေ
“မိုးဆွေရယ် ညို့မေလျရာက
လွမ်းမောင့်ကို ပန်းအောင် တလေသလား” လို့
တ်ိမ်မြေပြာ မိလ္လာနှောရယ်က
စကားလွှာ ကြားမှာတဲ့သဘောကို
ပြောနိုင်ပါ့မလား။ ။
◄ ကြည်အေး ►တာရာမဂ္ဂဇင်း၊ အတွဲ ၂၊ အမှတ် ၄
ကြည်အေး၏ ကဗျာပေါင်းချုပ်မှ
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
( ၁၄ ) ►◄အို လွမ်းသူရယ်►◄
အို လွမ်းသူရယ်
ပြုံးမူပျက်၍၊ မျက်ရည်ဝေ့နှင့်
မေ့လျော့သနှင့်၊ စိတ်လုံးလွင့်သည်
ကြွေရင့်မည်နှယ်၊ တအားငယ်သည်
ဘယ်သခင့်တွက် ဖြစ်သနည်း။
ပြတင်း၀၀ယ်
ငြိမ်လှလွန်းသည်၊ ကျောက်ရုပ်တည်သို့
မှုန်ရည်နွမ်းအောင်၊ စိမ်းယမ်းယောင်နှင့်
ကြောင်၍ရပ်နေပါတကား။ ။
ရင်မှပွင့်သည့်
ကြောက်ချင့်စဖွယ် သက်ပြင်းများ။ ။
လေ၀ယ်လွင့်သည့်
ညိုရင့်ဆံပင် ရွှေမျှင်လှိုင်း။ ။
သည်နှစ်ခုသာ
လွမ်းသူ့ပတ်လည်၊ လှုပ်ရှားသည်တည့်၊
အို လွမ်းသူရယ်
ပူသည်ကို ဖျောက်၊ ကြောက်သည်ကိုပယ်
စိတ်ဝယ်မလျှော့၊ စောင့်ဦးတော့လော့။
တစ်နေ့နေ့မှာ
တွေ့မည်ရွှင်ချို၊ သခင်ကိုတည့်
မေ့ကိုမုန်းထား၊ အဝေးသွားလည်း
လွင့်ပါးမရှည်၊ ပြန်ခဲ့သည်က
စောင့်သည်တွေ့မူ၊ ချစ်စိတ်ဆူနှင့်
လွမ်းသူရှေ့မှောက်၊ သူဒူးထောက်လိမ့်။
သည်အခါမှာ
ကြာနှုတ်အပြုံး၊ ဖြူနှလုံးနှင့်
မရုန်းမပယ်၊ ငိုတရယ်လျှင်
စင်ကြယ်ခွင့်လွှတ်၊ ချစ်သက်မှတ်ကို
ကြည်ညွတ်ချဝန်၊ သခင် ပန်က
ပြန်လည်လိုလိုက်၊ ချစ်သူမိုက်ကို
ထွေးပိုက်ပါယူ၊ အို လွမ်းသူရယ်။ ။
◄ ကြည်အေး ►တာရာမဂ္ဂဇင်း၊ အတွဲ ၂၊ အမှတ် ၆
ကြည်အေး၏ ကဗျာပေါင်းချုပ်မှ
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
( ၁၅ ) ►◄တသက်သက်►◄
အမိုက်မှောင်တွင်း
တယောင်ယမ်းယမ်း၊ ဖွေရှာစမ်းသော်
လမ်းပန်းမတွေ့ မူးမိုက်မေ့လည်း
လဲ၍နေရာ၊ တွားသွားကာလျှင်
ရှေ့သာအတင်း၊ ဇွတ်တိုးခြင်းဖြင့်
အလင်းလိုက်လံ ရှာသည်တကား။
ငါ့ကိုယ်လက်ကို
ပြက်ရယ်ပျော်ပါး၊ လူအများလျှင်
ဖြတ်သွားကျော်နင်း၊ နှိပ်စက်ညှဉ်းက
တင်း၍ခံယူ၊ မညည်းညူလည်း
သည်းအူနာကြည်း၊ ဒဏ်ရာသည်းသည်
သွေးလည်း အလိမ်းလိမ်းကပ်၏ ။
သက်ရှိုက်ပန်းစွာ
လမ်းခုလတ်တွင်၊ ရေးရေးမြင်သည်
ရွှေစင်လိုတောက်၊ငွေပြောက်လိုထိန်
စိန်တနှုန်းခြယ်၊ ငါလျှင်ကယ်အံ့
ဖြူကြယ်တစ်ပွင့် လက်သတည်း။
ရွှန်းရွှန်းပသည်
ကြယ်တစ်ပွင့်ပြက်၊ ရောင်ခြည်လက်ကား
ဝေသက်ချစ်သူ၊ ကြိုအယူမှာ
မွှေးကြူနီရင့်၊ နှင်းဆီပွင့်လျှင်
မြင့်မြတ်နှလုံး၊ ပုလဲကုံးလှစ်
ပြုံးသည့်အလင်းရောင်တကား။
ချစ်သူခြေရင်း
စင်းလျောင်းရာမှ၊ အားယူထသော်
ထူမကြိုထွေး၊ သူ့ကိုယ်နွေးကို
မှေး၍ရပ်စဉ်၊ အားသစ်ဝင်သည်
စိမ့်ကျင်အသည်း၊ ၀မ်းပန်းနည်းနှင့်
ပျော်လည်းရယ်ကာ၊ တုန်လှုပ်စွာလျှင်
သည်ခါကျမှ၊မျက်ရည်ကျသတည်း။ ။
◄ ကြည်အေး ►တာရာမဂ္ဂဇင်း၊ အတွဲ ၂၊ အမှတ် ၇
ကြည်အေး၏ ကဗျာပေါင်းချုပ်မှ
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
( ၁၆ ) ◄♥►ဘ၀ဟောင်းက ချစ်သူ◄♥►
ညနေအေးမှာဖြင့်
ဆွေးမိသလိုလိုနဲ့
စာဆိုမောင် တ ယောင်ယမ်းရယ်နဲ့
လျှောက်ခဲ့တယ် တစ်ကိုယ်တမ်းပေပေါ့
ဘယ်ချစ်သူ ကြိုယူကမ်းမယ်လဲ
ခြေလှမ်းက မသွက်ချင်။
အလို ဘုရားသာပ
ဆိုးမှားတွေဝေကြောင်မိ
ညိုမှောင်မှောင် နှင်းရည်သိပ်ပါတဲ့
လမ်းမြှောင်မြှောင်သစ်ပင်ရိပ်မှာလ
အိပ်မက်ထင်စရာပ
ကညာယဉ် ပြာပြာညက်ရယ်က
ပျာကရာ ပြေးလာထွက်ပါလို့
ငိုတရယ် နှုတ်ဆက်
လှမ်းဘက်ခင်မင်။
“အို ပြုံးယောင်ပြပါမောင့်
ကွဲရကြာလေပြီ”တဲ့
ဆည်မပြေ ချုပ်မတည်းနိုင်လို့
ငိုညည်းနေရှာတော့
ထိတ်ပျာပျာ စိတ်သာများမိပါရဲ့
ကြုံသူကို ပုံတူမှားရှာထင့်
သနားငြိမ်နေတောင်မှ
“မေ့မောင်ရယ် ကွေ့ရှောင်တိမ်းရက်ပေ့
စိမ်းမေ့ပြီပေါ့ ဟင်”တဲ့
ပြစ်တင်လို့မဆုံး။
အတွေးခက်ပါရဲ့
အေးကွက်မမြင်ပြီဘု
ယခင်ဆီ ပြန်လည်မှန်းသော်လဲ
ဘယ်ခါဝယ် ဘယ်စခန်းဆီက
ဘယ်ညောင်ရေ ဆုယူသွန်းပါ၍
ချစ်ပန်းနှစ်ကိုယ် ဆင်ခဲ့တယ်လို့
မမြင်နိုင် စိတ်သာပျက်မိပါရဲ့
ခေါင်းညင်သာခါကာထွက်ခံရ
သူ့ခမျာ လွမ်းရာခက်ရှာပေါ့
ကြက်သေ သေလို့ နုံးရာက
(စောင့်ရှာသူမှာ) မျက်ရည်နဲ့ပြုံး။ ။
◄ ကြည်အေး ►တာရာမဂ္ဂဇင်း၊ အတွဲ ၂၊ အမှတ် ၈
ကြည်အေး၏ ကဗျာပေါင်းချုပ်မှ
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
( ၁၇ ) ►◄ဘ၀ကူး►◄
မိုးရွာပြီးစ
မြေကြီးညံ့သိပ်၊ တိမ်ရိပ်မှောင်ဖျော့
ညွှတ်ကော့သစ်ရွက်၊ ရေစက်စက်အောက်
မိုးသက်လေမှာ မေတစ်ယောက်တည်း။
မြစ်ရေစပ်၌
မတ်ရပ်တင်းတောင့်၊ ရင်ဟင်းလင်းဟ
ငွေကွင်းဂယက်၊ ခြေကိုပက်မှ
ပင့်သက်ရှိုက်ငင်၊ လျော့ဆံပင်လည်း
လေတွင်ပြေးသွား၊ လွင့်ပါးလိုက်တာ။
လူရိပ်ရေးရေး
ကလေးငိုသံ၊ တေးဆိုဟန်လို
အသံဗလံ၊ မြစ်ရေလျှံမှာ
စုန်ဆန်မျှောစီး၊ တီးတိုးညဉ်းလာ
အနီးကပ်အော်၊ လိုက်ခဲ့ခေါ်လို
ရမ်းရော်စိတ်ညစ်၊ မူးရစ်ရစ်မြင်
ပြောင်းသစ်မြို့ရွာ တစ်ဖက်ကမ်း။
သတိဝေ့လည်
မေ့လျော့ဖြည်းညင်း၊ ရေကိုဆင်းပြီး
စမ်းနင်းလျှောက်ခဲ့၊ ကျောက်ပဲ့ရွဲ့စူး
မူးနစ်မွန်းနောက်၊ လွယ်ကူရောက်သည်
ရေအောက်ဖြတ်လမ်း တိတ်တခိုး။ ။
◄ ကြည်အေး ► တာရာမဂ္ဂဇင်း၊ အတွဲ ၃ အမှတ် ၁၈၊ ၁၉၄၉
ကြည်အေး၏ ကဗျာပေါင်းချုပ်မှ
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
( ၁၈ ) ►◄ရှင့် ကဗျာဆရာ►◄
သူ့နားကပ်ပြီး
စပ်စမ်း ကဗျာတစ်ပုဒ်လောက်။
သူက ပြုံး၍
ကုန်းကာလှမ်းခူး၊ ရွက်စိမ်းဆူးနီ
အဖူးကြမ်းကြမ်း၊ တောရိုင်းပန်းလို
နမ်းလိုက်သည်နှင့်၊ ချက်ချင်းပွင့်လာ
ပုလဲဝါ၀ါ၊ သဇင်လွှာသို့ပြောင်းလဲသွား၏ ။
“ကဗျာစပ်လေ
ထပ်ဖို့ကာရန်၊ အသံရှာလေ
စာလုံးစက္ကူ၊ ခဲတံယူလေ”။
သူထွက်သွားပြီး
မြိုင်ကြားကျောက်စက်၊ ရေတစ်စက်ကို
လက်နှင့်တောက်ရာ၊ စိတ်စိတ်ဖွာပြီး
ဆပ်ပြာပူဖောင်း၊ အဖြစ်ပြောင်းသွား
ကောင်းကင်သို့လွင့်၊ အရောင်ရင့်လာ
တိမ်နှင့်ငြိတွယ်၊ ကြယ်တွေဖြစ်သွား
မျက်မှောင်ကုပ်မိ
“ဘာလုပ်နေတာလဲကွယ်”။
သူ တိတ်ဆိတ်စွာ
ရိပ်ပြောက်မြက်ခင်း၊ လေဟင်းလင်းမှာ
သက်ပြင်းညင်သာ၊ မောဖြေလာသည်
ကဗျာမစပ်တတ်ဘူးလား။ ။
◄ ကြည်အေး ► တာရာမဂ္ဂဇင်း၊ အတွဲ ၃ အမှတ် ၁၉၊
ကြည်အေး၏ ကဗျာပေါင်းချုပ်မှ
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
( ၁၉ ) ►◄စိတ်သိ အိပ်မက်►◄
အိပ်မက် မက်တယ်
သစ်နွယ်ရောစပ်၊ ကမ်းပြတ်မှာလို
ပိတောက်အိုအောက်၊ တစ်ယောက်တည်းပဲ
ချွဲနွဲ့တော့တီ၊ မေရဲ့ ဂီတ
သိပါ့မယ်တွေး၊ တယောလေးယူ
ဖြည်းဖြည်းလျှောက်ရင်း ကြိုးကိုညှိ။
တကုပ်ကုပ်ပင်
ခလုတ်လှဲ့ပြတ်၊ တစ်ပတ်ကျော့ရစ်
အသစ်တပ်ပြန်၊ တေးမဆန်ဘူး
စိတ်ကူးကဗျာ၊ ပျက်သွားမှာစိုး
ဘိုးတံကလည်း၊ မညက်ဘဲကွယ်
ခက်ခဲလိုက်တာ၊ ကူလာပါဦး။
တေးမဖြစ်လို့
စိတ်ညစ်ပြီးထိုင်၊ သီချင်းညည်းမယ်
စည်းဂျပ်သံလွင်၊ ကောက်ယူငင်လိုက်
ရင်မှာပြည့်ညပ်၊ ကျပ်နေတာတွေ
ငွေသံကျော့ရွ၊ မလှ လှအောင်
ဂီတအဖြစ်၊ ကူးပြောင်းဖြစ်ဆဲ
ဆန်းသစ်ကာရန်၊ ပြန်ကာကောက်။
အယောင်လွန်ပြီး
သံအန်ထွက်သွား၊ လန့်တကြားနိုး
မေ့မှာစိုး၍၊ တိုးတိုးတေးဆက်
ဆိုတစ်ဝက်မှာ၊ မေ့လက်ဆုပ်ကိုင်
ဘေးမှာထိုင်တာ မောင်ပါကော။
မောင်က ပြောသည်
“တယောကြိုးသီ၊ ညှိမညီလို့
ဂီတ မဖြစ်၊ ဖြစ်ပြန်ပါလည်း
ကာရန်မလှ၊ စည်းမကျဘူး
မေကဆိုလှဲ့၊ တေးနွဲ့နွဲ့လေး
ဂျပ်နဲ့သံလွင်၊ ကောက်ယူငင်လျက်
ရင်မှာပြည်ညပ်၊ ကျပ်နေတာတွေ
ငွေသံကျော့ရွ၊ မလှ လှအောင်
ဂီတအဖြစ် ပြောင်းပစ်ချင်တယ်” ။ ။
◄ ကြည်အေး ► တာရာမဂ္ဂဇင်း၊ အတွဲ ၃ အမှတ် ၂၁
ကြည်အေး၏ ကဗျာပေါင်းချုပ်မှ
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
( ၂၀ ) ►◄ထွက်ပြေးချင်တယ်►◄
မိုးလင်းလင်းချင်း
သီချင်းလှိုက်လှိုက်၊ ပန်းငုံကိုက်ဆိတ်
ချိုးသိုက် ဖိုမ၊ ချိုမြအေးလည်း
စိတ်လေးကျပ်ညပ်၊ ရူးချင်တယ်။
မြို့လုံးနေရောင်
အိမ်ခေါင်မိုးတွေ၊ မီးခိုးဝေညစ်
နွေမိုးဆောင်းတိုင်း၊ အိုကိုင်းညွှတ်လာ
ရပ်ရွာလူသူ၊ စကားဆူညံ
အူချာလည်ပြေး၊ အသက်မွေးကြ
ရင်လေးကျပ်ညပ် ရူးချင်တယ်။
တစ်ညချိန်၌
မီးလုံးငြိမ်းလိုက်၊ ညဥ့်ဦးမိုက်မဲ
ကြယ်လည်းမပွင့်၊ လမမြင့်မှာ
လွတ်ခွင့်ကိုရှာ၊ စိတ်ချမ်းသာခြင်း
မှောင်မှာတွေ့ငြား၊ ထွက်လာမိ။
မှောင်ကြီး မည်းကြီး
မရဲတရဲ၊ တစ်ယောက်တည်းပင်
ဘာလဲမမြင်၊ စမ်းသပ်ဝင်ခဲ့
မြေပြင်သိပ်သည်း၊ မောပန်းလှဲချ
ရွက်ကြဲအောင်ပိတ်၊ သစ်အေးရိပ်၌
အိပ်မက်ကြံမှာ၊ မောင့်ကိုသာတွေး
ဘယ်ခါ လွတ်ပါ့မလဲကွယ်။ ။
◄ ကြည်အေး ► တာရာမဂ္ဂဇင်း၊ အတွဲ ၃၊ အမှတ် ၂၂
ကြည်အေး၏ ကဗျာပေါင်းချုပ်မှ
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
( ၂၁ ) ◄►ကြွေရွက်ဆင်◄►
ညိုခြေရင့်ကို
လေလွင့်ပတ်ချာ၊ မြေညံ့ပြာထက်
ရွှေဝါတစ်ဝက်၊ စိမ်းရော်ဖက်စပ်
ဆက်တိုက်ပြုတ်ကြွေ၊ စောင်းရွှေရွှေစီ
ရွာစွေသွန်းသည့် ကြွေရွက်မိုး။
ပျော်တပျက်လေ
ကြွေရွက်တစ်လိပ်၊ အသွားစိပ်နှင့်
ညှာထိပ်မခြောက်၊ မြကွက်ပြောက်နှင့်
လက်အောက်ကျလာ၊ အနားမှာမို့
အသာလှမ်းပြီး တိတ်တိတ်ကောက်။
လန့်ဆုတ်မိရဲ့
ညံ့အိစက်စက် ထိတွေ့လက်၌
သစ်ရွက်ရုပ်ပုံ အဆစ်စုံလေး
လေကြုံမှာလွန့် ပြာတကန့်နှင့်
ဝါဖန့်ရော်ရွှေ ခပ်ပွေပွေရယ်
မေက နီးကပ် မိုးပြီး ရပ်နေ
ဇာသပ်ပိုးပျော့ ဆင်ထဘီ။ ။
◄ ကြည်အေး ► တာရာမဂ္ဂဇင်း၊ အတွဲ ၃၊ အမှတ် ၂၃
ကြည်အေး၏ ကဗျာပေါင်းချုပ်မှ
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
( ၂၂ ) ◄►အတ္တပုံရိပ်လွှာ◄►
ဟင်းလင်းပွင့်မှာ
လေသာတိုးဝှေ့၊ ထိတွေ့နေရ
ပျပျကလေး၊ အဝေးကြီးလား
နီးနီးလားဟု၊ ခွဲခြားမသိ
မြင်မိသည်ကား၊ တလျားခုံးခုံး
အဆုံးမထင်၊ ပြာကောင်းကင်သို့
ငါလျှင်ထီးတည်း၊ တစ်ယောက်တည်းသည်
မညည်းမညူ ထိုင်နေ၏ ။
အဆုံးမရ
အစမထင်၊ အတွေးယာဉ်ကို
ညင်ညင်အလျှော၊ မျောစေမျှော၍
ပေါလောလွှတ်ကာ၊ တွေးတောရာဝယ်
ကမ္ဘာတစ်ဝန်း၊ ထက်အောက်မွှမ်းအောင်
ပတ်ပြွမ်းစုံစေ့၊ ငါမမေ့ဘူး
မကွေ့မထောင့် ရောက်ဘိ၏။
အို . . . အို . . . အို . . .အို
ဘယ်ကိုသွားမလဲ၊ ရေထဲညွန်အောက်
ရေညှိပြောက်လား၊ ငါ ရောက်သွားသေး
ညွတ်ကွေးကော့ကော့၊ ရေစက်လျော့တွဲ
ရွက်ပျော့ မျှင်ကြား၊ ငါ နေနားလိုက်
တွားသွားစမ်းရွံ့၊ တိမ်ဖြူညွန့်ထက်
လွန့်လွန့်ထလက်၊ ရင်ခွင်ထက်မှာ
မှေးစက်အိပ်တာ၊ ငါသာပါပဲ
ဝါ၀ါနှုတ်သီး၊ အမြီးစိမ်းယွန်း
ပျံသန်းငှက်လည်း၊ ငါပါပဲကွယ်
အမြဲ “ငါ” တွေပါကလား။
ဆက်တွေးပါဦး
အပြာအနက်၊ အဖြူစက်၍
စပ်ဖက်တစ်မျိုး၊ တိမ်ခိုးရောင်ဆိုင်း
မှိုင်းမှိုင်းညိုမှာ၊ ငါခိုနားမီ
မြိုင်ကြားပင်ယှက်၊ သရက်သီးဝါ
ရသာချိုမြ၊ လှည့်ရွမ်းစမှာ
ငါပင်ရောက်လေ၊ ကူးလူးနေခဲ့
မောင်ရဲ့ရင်ခွင်၊ ငါပဲဝင်၏
ဘယ်တွင်ရယ်မှ၊ ထွက်လို့ရဘူး
အစမတုံး၊ ငါလုံးလုံးသည်
အဆုံးအစ မရှိသည့်ငါ။
ထို့နောက်တွင်ကား
“သင်” ကို တွေးစမ်း၊ မှန်း၍ကြည့်ရာ
သင်မှာ ငါကို၊ စဉ်းစားလိုတိုင်း
တိုးလျှိုယက်ဖောက်၊ စိတ်ကူးပေါက်ကြည့်
ဘယ်လောက်များများ၊ ပွားသွားပါစေ
တွက်ရေမရ၊ ဆုံးစမရှိ
သင်တွေရှိလည်း၊ ကြွင်းသည်အမြဲ
တစ်ခုတည်းသာ၊ ငါပဲထွင်းဖောက်
ငါတစ်ယောက်မှာ၊ ကျန်ရစ်ပါသည်
ဘယ်ခါမှ ငါမပျောက်ဘူး။
ထိုသဘောကို
ညှိနှောတရား၊ သင်္ချာသားသော်
သင်ကားညီမျှ၊ “ဆုံးစမရှိ”
နှုတ်ဘိတစ်ခု၊ ထိုတစ်ခုကား
ငါဟုပင်လျှင်၊ ငါတွက်မြင်သည်
သင်္ချာကဗျာ လင်္ကာတည်း။ ။
◄ ကြည်အေး ► တာရာမဂ္ဂဇင်း၊ အတွဲ ၄၊ အမှတ်၂၄
ကြည်အေး၏ ကဗျာပေါင်းချုပ်မှ
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
( ၂၃ ) ◄►အနုပညာကျွန်း◄►
ရောက်ခဲ့ဖူးတယ်
ယစ်မူးငြိမ့်လျော၊ လှေအမျောမှာ
တယောလဲ့လဲ့၊ တီးတိုးနွဲ့ရင်း
ဆိုဖွဲ့သီချင်း၊ ဖြည်းညှဉ်းညည်းဆို
ဟောဟိုမြေနု၊ သစ်ပင်စုနဲ့
အနုပညာကျွန်းကိုပေါ့။
အဲသည်မှာလေ
စာပေကိုဖတ်၊ ကဗျာစပ်လိုက်
ဆောက်အပ်တွေစု၊ ရုပ်တုထုလိုက်
နုရင့်ရောင်တွဲ၊ ပန်းချီဆွဲလိုက်
ရင်ထဲ ခုတောင်ခုန်သေးတယ်။
နေရစ်တော့နော်
ကြော့ကြော့ကလေး၊ လအေးအေးအောက်
ငှက်တေးသံညင်၊ မြေပေါ်ဖိတ်စဉ်
ရေပြင်ညံ့အိ၊ သစ်နွယ်ငြိချိန်
စိတ်၏အစာ၊ ငတ်ပြတ်ဆာတော့
ပြန်လာလည်ပတ်ပါဦးမယ်။ ။
◄ ကြည်အေး ► တာရာမဂ္ဂဇင်း၊ အတွဲ ၄၊ အမှတ်၂၇
ကြည်အေး၏ ကဗျာပေါင်းချုပ်မှ
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
( ၂၄ ) ◄►မိုးနှင့်မြေ◄►
ပြုံးစရာလျှင်
မာနလည်းကြွယ်၊ အလှမယ်က
ထည်ဝါခါးထောက်၊ မာမောက်မောက်နှင့်
စိတ်မြောက်စကား ဆိုသတည်း။
“မောင့်လိုလူကို
ကြည်ဖြူလက်ကမ်း၊ ချစ်ဖို့လမ်းကား
ကွာလှမ်းပလေ၊ မိုးနှင့်မြေ” တဲ့
အခြေတင်းပါလှသတည်း။
ပခုံးတွန့်၍
မြေပြန့်မိုးခြေ၊ ကြည့်မျှော်လေသော်
မြေလည်းအပြာ၊ မိုးလည်းပြာ၍
အပြာချင်းယှက်၊ မိုးကုပ်စက်ဝယ်
စပ်ဆက်မိုးမြေ၊ ထိတွေ့နေသည်
မြေသည် မိုးနှင့် နီးသည်တကား။ ။
◄ ကြည်အေး ► ပဒေသာမဂ္ဂဇင်း၊ မေ၊ ၁၉၄၅
ကြည်အေး၏ ကဗျာပေါင်းချုပ်မှ
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
( ၂၅ ) ♥ ♥ ကဗျာချစ်သူ ♥ ♥
သံချိုစပ်ပါတဲ့
ကို ထပ်ခါတစ်ရာပြောရှာလည်း
မောရုံရှိမယ် စိုးပါရဲ့
လွန်မိတယ် ရှေ့သာတိုးမယ်မို့
မျက်ရည်မိုးအုံ့ခဲ့ပြီ။
ကဗျာမိုက်ကိုမှ
ကြိုက်လှတယ်၊ အဆိုလောရှာသမို့
မနက်စော သီဝေနေခိုက်
စိတ်လေ လေပစေဦးရယ်နဲ့
တေချင်ပေချင်တဲ့ထုံးစံမို့
တစ်ရယ် နှစ်ရယ် သုံးရယ်ပေါ့
ကာရန်တွေ အလွတ်မရုန်းစေဘု
လေးလုံးစပ် ကဗျာစီ။
ဘယ်သူရိုက်ရင်လည်း
ခေါင်းငိုက်ခံပါ့မယ်ရှင့်
ဘ၀မှာ ဘာကိုတွယ်မလဲ
ကဗျာရယ်စာရယ်ရှိရင်တဲ့
ကျေနပ်မိ ကပျာကသီ
အသာတကြည်ပေါ့ထွက်ပြေး။
မေ့နိုင်ကောင်းပါရဲ့လို့
စိတ်ကိုပြောင်းစဉ်မှ
ငြိမ့်ညောင်းသံချိုနှောပါ ခလှည့်လို့တော့
ငိုမဲ့ချင်အောင် မဖန်နှင့်
ကံချွန်ရင် အံ့ဖွယ်ခန်းပါတဲ့
အလှမ်းတကယ် ဟာမှ
လမသာ၊ ညကြီးမင်းကြီးပေါ့
ထပြီး ထိုင်ပွေနေမရှင့်
အိပ်ရာတွေ တွန့်ကြေလိပ်ခါမှ
ငိုတိတ်မယ်လေး။ ။
◄ ကြည်အေး ► သွေးသောက်မဂ္ဂဇင်း၊ ဇွန်၊ ၁၉၅၃
ကြည်အေး၏ ကဗျာပေါင်းချုပ်မှ
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
( ၂၆ ) ◄►ခွင့်လွှတ်တတ်တယ်◄►
အပြုံးမဆင်မသီနဲ့
တည်ကြည်လို့ နေတယ်ဆိုရင်
သိမ်မွေ့ရှာသူကလေး
ချစ်ရေးနှမအထွေးမို့
အေးလှတယ်ထင်။
လေပွေလို မွှေ့သရမ်းနဲ့
မောင့်နှုတ်ခမ်းပူပင်
သူမွှေးရွှင်ရင်တော့။
သြော် . . . သဘောဖြူရှာငဲ့
ရှက်စရာအကုန်မေ့လို့
အကလေးပမာကွဲ့
ချစ်ရှာပလေပေါ့။ ။
◄ ကြည်အေး ► ရှုမ၀မဂ္ဂဇင်း၊ နိုဝင်ဘာ၊ ၁၉၅၅
“ဖုန်းသက်တိုင်” ၀တ္ထုမှ
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
( ၂၇ ) ◄►မျှော်လင့်ခြင်း◄►
ပြတင်းဝမှ
ညနေငှက်ပြာ၊ မောင်နှံလာပြီး
ယှက်ဖြာလွန့်လူး၊ ထင်းရှူးရွက်ကြား
စကားတီးတိုး၊ ပြောမပြီးဘူး
နှုတ်သီးတေ့ဆက်၊ လည်ချင်းယှက်ဆဲ
တစ်ရက် တစ်ရက်၊လှည့်စားရက်ခဲ့
ချစ်သက်ကျွမ်းဝင်၊ နေလိုက်ချင်လည်း
သခင်နှမ၊ နှင်းဆီမြပွင့်
အလှပျက်မည်၊ စိုးနှောင့်သည်ကြောင့်
နှုတ်ခြည်မလွန်၊ မောင့်တာဝန်ပင်
မပန်ဆင်ရက်၊ မတပ်မက်ရဲ
သစ်ရွက်ကြွေတော၊ အင်းလျားကြော၌
မမောပန်းသော၊ ရေပြင်လျှောစီး
လှေမျောတက်မဲ့၊ လည်ချင်းနွဲ့မီ
တစ်လှည့်စီမွှေး၊ လည်ချင်းထွေးဆုပ်
ငှက်တေးချိုပြား၊ ပန်စကားကို
ပြောကြားမဆုံး၊ နှစ်ယောက်လုံးပဲ
အပြုံးလှယ်ကြ၊ ရယ်မောကြနှင့်
တစ်ဘ၀မျှ နေချင်သည်။ ။
◄ ကြည်အေး ► ရှုမ၀မဂ္ဂဇင်း၊ ဇူလိုင်၊ ၁၉၇၀
“ မြနန္ဒာပြောချင်သေးသည်မှ”
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
( ၂၈ ) ►◄ဟန်ဆောင်သူများ►◄
သည်ဘက်စွန်း၌
နစ်မွန်းပျော်ပါး၊ ငါ ၀ံ့စားစွ
လင်သားအိမ်ထောင်၊ ကျပ်တည်းနှောင်လည်း
ဟန်ဆောင်နှုတ်မှ
ဗုဒ္ဓ၏လမ်း၊ လွတ်မြောက်နန်းသို့
ဖြတ်သန်းလိုပါ၊ တစာစာလျှင်
မုသာဝါဒ၊ စကားမဆိုချင်။
ဟိုဘက်စွန်းသို့
ပြတ်ရွှန်းလှမ်းခို၊ သွားရောက်လိုဟန်
ခိုတွယ်အားထား၊ ဘုရား တရား
စကားမျှပင်၊ ကျင်လည်သည်မှာ
လူ့ဘာသာမှ၊ တစ်ဝါရှောင်ရုံ
တစ်ချုံကွယ်လျှိုး၊ သစ်ဝါးတိုးဟန်
ပြန်လာခေါက်ခေါက်၊ ဟိုသည်နှောက်၏
လွတ်မြောက်တကယ်၊ စွန့်ပယ်ဝံ့သူ
သည်မူ မဟုတ်နိုင်တကား။
ငါစွန့်ခွာလျှင်
ပြန်မလာတတ်၊ ကင်းရှင်းပြတ်အံ့
အို . . . သူမြတ်တို့
မလွတ်မြောက်ခင်
ခုံမင်မြူးကြွ၊ လူ့ဘ၀နှင့်
ခဏမြင်ဖူး၊ အသိထူးပြား
ကူးလူးချင်၍
ရှင်သန်ပါရမီ၊ ဖြည့်တင်းသည်ဟု
ယုံကြည်လိုက၊ ယုံကြည်ကြစေ
အရိယဟု၊ အတ္တပြတ်ဟန်
ကြောက်ဖွယ်ဖန်လာ
မာန်မာနသာ၊ ကင်းပစေရှင့်။ ။
◄ ကြည်အေး ► ရှုမ၀မဂ္ဂဇင်း၊ ဇူလိုင် ၊ ၁၉၇၁
ကြည်အေး၏ ကဗျာပေါင်းချုပ်စာအုပ်မှ
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
( ၂၉ ) ►◄အချည်းနှီး မီးအိမ်►◄
ညဥ့်မှောင်ကြီးမှာ
မီးပုံးအပြာ ၊ ရှာယူလာပြီး
လသာဆောင်စွန်း ၊ တိုင်ထိပ်တန်းမှာ
ကြေးနန်းနှင့်တဲ ၊ တွဲလိတွဲလောင်း
ချိတ်ဆွဲလိုက်ပြီး ၊ အချည်းနှီးပင်
ထီးတည်းထိုင်ကာ နေမိ၏။
အဘယ်သူလျှင်
အမူညံ့သက် ၊ ပြုံးနှုတ်ဆက်နှင့်
ဝင်းပြက်မီးခိုင် ၊ ဖယောင်းတိုင်ကို
ကိုင်ဆောင်လာပြီး ၊ ရိုလေရီးခို
ဖော့စီးညင်သာ ၊ မီးပုံးပြာမှာ
စိုက်လာထွန်းညှိပါမည်နည်း။
တွတ်တွတ်ညည်း၍
ညဥ့်လည်းအေးအေး ၊ ငါ့လည်းငေးမိ
ပြေးလွှားမြူးခုန် ၊ အစုန်အဆန်
လေပြန်ဝှေ့နောက် ၊ လေရူးပေါက်မှာ
ဂနာမငြိမ် ၊ ငါ့မီးအိမ်သည်
တွန့်လိမ်လူးလွန့် နေသည်တကား။
◄ ကြည်အေး ►( ရှုမ၀ ၊ ၁၉၄၉ ၊ ဇူလိုင် )
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
( ၃၀ ) ►◄တရားသခင်►◄
ကြည်လင်ရုပ်သွင် ၊ သခင်လာသည်ကို
ကြည်ညိုမြတ်နိုး ၊ ကျွန်ရှိခိုးဆဲ
မာန်ငြိုးကင်းစင် ၊ ဆုထူးမြင်ဆဲ
သင်မိစ္ဆာလား ၊ သမာလား
မေးအားရက်လှသည်။
ကြည်လင်ရုပ်သွင် ၊ သခင်ဟူသည်
တစ်ဆူဂင်္ဂါသဲမှ ၊ ရှင်ဗုဒ္ဓလား
ထမြောက်ပြန်သစ် ၊ ခရစ်တော်လား
ကျော်လွင့်လူ့ရွာ ၊ အလ္လာဟုလား
စကားမွန်မြတ် ၊ ကွန်ဖြူးရှပ်လား
ကားလ်မတ် ၊ အိန်ဂျယ်
လယ်နင် ၊ စတာလင်လား။
ကြည်လင်ရုပ်သွင်
သခင်မွန်ကို ၊ ကျွန်ရှိခိုးလည်း
လူကို ရှိမခိုး ၊ တရားကို ရှိခိုး၏
စိုးစဉ်းချွတ်ယွင်း ၊ ခေတ်နှင့်မလျင်းက
ခြွင်းချက်ဖြင့် ပူဇော်၏။
ကြည်လင်ရုပ်သွင် ၊ သခင်တို့သည်
သူမှီတင်းသော ၊ လူ့ခေတ်ပြောကျယ်
လိုက်လျောကျင့်ဝတ် ၊ ပညတ်မြဲရှင့်။
ဖြူဖြောင့်ချစ်တတ် ၊ အပြစ်ခွင့်လွတ်
နားလည်ညွှတ်ပျောင်း
လွတ်မြောက်ကင်းလျက်
အသက်လှူရက် ၊ ဆင်းရဲဖက်ခဲ့
ကိုယ်ပျက်ငြူစူ ၊ နူသူကိုပင်
ကြည်ဖြူလက်ကမ်း ၊ ဖက်ယမ်းပေါင်းသင်း
သနားခြင်းဖြင့် ၊ တရားမင်းဟု
စစ်မှန်ခြင်းတည်ရာ ၊ သခင်လာသည်
နာမည်မရှိ ၊ အသိဝေငှ
အလှတရားမျှဖြစ်၏။
◄ ကြည်အေး ►( ရှုမ၀ ၊ ၁၉၇၁ ၊ ဇန်န၀ါရီ )
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
( ၃၁ ) ├ ဖုန်းသက်တိုင် ┬
သေဆိုသည် သစ်ရည်မွှေးပါဗျ
တမင် သူလာနွေးပါမှ
ရင်တွင် ကြင်သူ ထွေးရသည်သို့
နွေးလောက်တဲ့ အသွင်မှာ
ဆေး မကြောက်သမို့
အကြွေးသောက်ချင်ချင်။
'လိပ်ပြာ အင်တန်ပွေချင်ရဲ့
မသေခင် နေသရမ်းမယ်ကွယ့်
လင်းမိုက်လွင် ငွေမျှင်ခြမ်းကတောင်မှ
အချိန်ကုန် ပုံကြမ်းတယ်ဟရို့တွေနဲ့
တိမ်ခြုံ ပ၀ါနွမ်းကိုမှ'
လမ်းပြမယ် လှစ်ပဟဲ့။
အစဉ်မောပါရ
မကြင်တဲ့သဘောတွေတော့
ပြောမနေနိုင်ပြီမို့
စိတ်ကူးသာ အယဉ်ထိုင်မိရဲ့
သံယောဇဉ် သူသူ ငါငါ မခိုင်ပြန်တော့
နားနေထိုင်မှိုင်ခဏ
ပန်းလျလေ့ ရှိခဲ့တယ်။
ယုံပါရစေရှင့်
လှုံစရာ အချစ်ဆိုသည် သည်တလမ်းသာမို့
ညီအစ်ကို မသိမှန်းသာတဲ့
ဆည်းပြာမင်ရည်ချမ်းမှာလ
လေမုန်ဆင်သီရမ်းစေဦး
စမ်းလက်ဆန့်တွယ်။
မိုးတခါတခါလင်းပြန်လို့
နိုးလာလာချင်းမှာတော့
ပျင်းတတ်တာ တဒင်္ဂပါပဲ
ဘ၀ကာရန် ရှာမလို့
အလှကဗျာ အသာချစ်ရင်တော့
အားသစ်လို့ စိတ်လယ်
ရယ်ချင်သလိုလို သလေး။
စက်ဝန်းရွှေဝါ
ရက်ကန်းချည်ယှက်ဖြာမှ
မိုးပြာသာတဲ့ တောဆီက
ဥသြ တနွေကျော်လို့
ဖေဇော်ဟန် ကတ္တီလွနဲ့
ရာသီလွန် မှုန်ခြယ်သသည်မို့
စိန်ပန်းအခွေခွေ ကရာက
စီးထွေထွေ အပြီးကြွေကျချိန်မှ
နှုတ်စကြည်ဖြူနဲ့
စောင့်သသူ နွယ်ပခုန်းမှာရှင့်
(စွန့်ဝံ့ရင် ဘယ်မှာရှုံးနိုင်လဲ့
သံသရာညည်းညူလို့ မဆုံးစေနဲ့)
အုံးစက်နေနိုင်သေးပေလို့
ပြုံးမျက်ရည်ဖြိုင်အေး။ ။
◄ ကြည်အေး ►
[ရှုမ၀မဂ္ဂဇင်း၊ နိုဝင်ဘာ၊ ၁၉၅၅၊ 'ဖုန်းသက်တိုင်' ၀တ္ထုမှ]
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
( ၃၂ ) ◄အင်းလျားကန်၌မြှုပ်နှံခြင်း►
အချစ်ဦးကို
ယစ်မူးတမ်းတ၊ တွေ့ရလို၍
မြူခိုသီဝေ၊ လေပြင်းပြေးလွှား
စကားမွှေးပွင့်၊ နေခြည်လင့်သော
နှင်းသင့်နံနက်၊ နတ်တော်ရက်မှာ
သိုးယက်ပတ်ထွေး၊ လက်ဖျားအေးစက်
အတွေးနုံ့နုံ့၊ ခေါင်းစိုက်ငုံ့၍
ချစ်တုံ့မတင်၊ မကြင်သာသည်
ခွဲခွာခဲ့သူ၊ သူတစ်ယောက်တည်း
လမ်းလျှောက်လေသော၊ ဆည်းပြာတော၌
စိတ်စောရင်ခုန်၊ တွေ့ကြုံတတ်ငြား
အင်းလျားနဖူး၊ ကန်ဘောင်ဦးသို့
ကိုယ်ထူးလွင့်ပါးခဲ့၏။
မှန်သားချပ်မျှ၊
ငြိမ်ဝပ်တိတ်ဆိတ်၊ ရေပြင်ရိပ်ထင်
သစ်မြိတ်မြဖူး၊ ချုံနွယ်ကူးယှက်
နှင်းလူးမြက်ပင်၊ ပုလဲဆင်သ
မျက်ရှင်စိန်စ၊ ကြယ်သေးရွသို့
နိုးထမည့်ဆဲ၊ ၀န်းကျင်မဲမှောင်
ဝမ်းနည်းစိတ်လျော့၊ တစ်ကျော့်အိပ်ပြန်ကြ
သစ်ရိပ်ကျယ်ပြန့်၊ ရေပေါ်ဖြန့်ခင်း
ကြွေဆင်းရွက်ဝါ၊ သာယာကျွန်းငူ
ဒိုက်တောထူသော၊ လူဝေးစွာ၌
ပြာဖန့်စိမ်းညို၊ မှော်ပွင့်ဆိုဆဲ
မဖို သားချင်း၊ အုပ်သင်းဖွဲ့မြူး
မြောက်စူးစူးမှ
မြားဦးသဏ္ဍာန်၊ လေကိုဆန်၍
တွန်မည်ညံစာ၊ ပြန်လာရစ်ဝဲ
တောဘဲအုပ်တို့
တစ်သုတ်နှစ်သုတ်၊ အတောင်ရုပ်သိမ်း
ဖြုတ်ချည်းဖြန့်ကျ၊ တရွရွနှင့်
ဝ ကွက်ဇာကျော့၊ လှိုင်းကော့ကော့၌
စီးဖော့ငြိမ့်ငြိမ့်၊
နိမ့်တုံမြင့်တုံ၊ လှိုင်းနှင့်ခုန်ကြွ
ပလုံတန်းစီ၊ မြီးဖျားသီခဲ့
လည်တံရကောက်၊ နဖူးမောက်နှင့်
ညိုပျောက်နှုတ်ခွေ၊ ၀မ်းပိုက်ရွှေနှင့်
ရေအောက်အသော့
ငုပ်ပျောက်လျော့ပါး၊ မြုပ်ကွယ်သွားကြ
ငါးဖမ်းဆန်းကျယ်၊ ငှက်တံငါနွယ်တို့
ရေစံပါယ် နှင်းငွေ့ကြား၌။
မြက်လဲ့လဲ့ခင်း
သလင်းသဲဖြူး၊ ဆောင်းရက်ဦး၌
ညွတ်နူးဘိခြင်း၊ ရွက်မွှေးသင်းသော
ပင်ရင်းကျောမီ၊ စိတ်တည်တံ့ခဲ့
မင်ပြန့်ခရမ်း၊ မှောင်စခန်းမှ
ရွှေလျှမ်းတိမ်လွှာ၊ ဖြူလင်းသာဆဲ
လာရောက်ခဲလှ၊ သူ့ကို တ သော
သမုဒယ၊ သက်သာရခဲ့
လမ်းပြပြမှ၊ သွားကြလာကြ
လုပ်ငန်းစသော၊ ဘ၀တစ်နေ့
ရွေ့လျားကြသူ၊ လူသံဗလံ
ဟွန်းဆူညံသော၊ ကားမှန်လက်လက်
တစ်ချက်တစ်ချက်၊ ဝေးမှပြက်ခဲ့
ငှက်ပျံလွှားတို့
ကွေ့သွားပြန်ခိုက်၊ ရေရှပ်တိုက်မျှ
ပြေးလိုက်ဖြတ်ကူး၊ လေ၌လူးခဲ့
နေခြည်ဦးလဲ
ကွန့်မြူးသွန်ကျ၊ နှင်းစစ၌
စိမ်းမြသစ်ရွက်၊ မှုန်မှုန်ပြက်မှ
သရက်ခက်ကြား၊ လျှိုတွားလွန့်လွန့်
အကန့်အကန့်၊ ရွှေသက်တန့်သို့
ဖြာကွန့်ရက်ဖောက်၊ မြေသို့ရောက်ပြီ
မေးထောက်ငေးမော၊
စောင့်စားသောသူ၊ လွမ်းအောင်မြှူခဲ့
နွေးပူကိုယ်တွင်း၊ လမ်းလျှောက်ခင်း၌
ကွေကွင်းဆယ်နှစ်၊ ချစ်ဦးသူမူ
လူမရောက်ပဲ၊ လမ်းရွေးလွဲရှင့်
ကြေကွဲသက်သက်၊ နှုတ်ဆက်နောက်ဆုံး
ပြုံးလဲ့လင်းထင်၊ သူ့ရုပ်သွင်ကို
မခင်ချင်တော့လည်း
မြင်ယောင်ဝိုးဝါး၊ စိတ်နွမ်းပါးမိ
စကားဖြည်ညှင်း၊ တစ်ယောက်ချင်းပင်
အင်းလျားရင်ခွင်၊ သူ့ရုပ်သွင်ကို
တွန်းနှင်စွန့်ပစ်၊ သူနေရစ်တော့
မွန်းနစ်စိမ်းကား၊ မြှုပ်နှံထားခဲ့
ပေါ့ပါးစိတ်သွက်၊ ထိုနံနက်မှာ
ရက်စက်အိမ်ပြန်ခဲ့သတည်း။ ။
◄ ကြည်အေး ►ရှုမ၀၊ ၁၉၇၁၊ ဖေဖော်ဝါရီ
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
No comments :
Post a Comment